X
تبلیغات
آذربایجان
منوي اصلي

آرشيو موضوعي

آرشيو مطالب

لينکستان

آمان آیریلیق ، آمان آیریلیق «شهریار»
بیزی یاندیریر ، یامان آیریلیق                    بو داریخدیران دومان آیریلیق
باشا ساووریر سامان آیریلیق                      آمان آیریلیق ، آمان آیریلیق

بیر گؤزون آچار ، بیر گؤزون یومار                      آرازی سرین گؤردیکده اومار
خزری درین گؤردوکجه جومار                    قان دریاسینا جومان آیریلیق

                             آمان آیریلیق ، آمان آیریلیق

آرازیم وورسون باش ، داشدان داشا                    گؤز یاشی گرک باشلاردان آشا
نئجه یاد اولسون ، قارداش - قارداشا                        نه دین قانیر ، نه ایمان آیریلیق

                             آمان آیریلیق ، آمان آیریلیق

گؤیلرین ، گونون - آیین گیزلدیر                      اولدوز آخدیریر ، سایین گیزله دیر
اوخونی آتیر ، یایین گیزلدیر                         قدیمی ائدیب کمان آیریلیق

                             آمان آیریلیق ، آمان آیریلیق

آیریلیق گله ، بیر کرم قیلا                         بیر نئچه گون ده ، بیزدن آیریلا
غم ده بیز تک سووا ساوریلا                          هانی بیر بئله گومان آیریلیق
                             آمان آیریلیق ، آمان آیریلیق

دئدیم آیریلیق ، قیناما منی                          سنی گؤرموشم ائللر دشمنی
یوزمین کره ده سیناسام سنی                         همان آیریلیق ، همان آیریلیق

                             آمان آیریلیق ، آمان آیریلیق

آمانسیز گؤزون یومان آیریلیق                         جان جیزلیغیندان اومان آیریلیق
نه غملی یازار (دومان) آیریلیق                          دیللره سالان دومان آیریلیق

                             آمان آیریلیق ، آمان آیریلیق

سن اونودسان دا(سلیمان) منی                          اونودمیاجاق «شهریار» سنی
یاز گله ر ،بولبول قاپسار چمنی                        ایندی لیک سه وسون زمان آیریلیق

                             آمان آیریلیق ، آمان آیریلیق
نويسنده: ناصر قربانی اوری ? تاريخ: 91/03/28 ? موضوع: تورکی شعرلر ? لينک به اين مطلب ?

اينانمارام
تعريف ائله سه لر ايگده آغاجين

دئسه لر كي اوُِِلاردوز ، اينانمارام

هر كيمسه داشييار اؤز ذاتين آخير

شه كه ره چئوريله دوز اينانمارام

*************************

قيشين قاري اؤلار يازيندا ياغيش

هر يئتنده ن اؤلماز اوماسان باغيش

قئسير اينه ك وئرسين هارادان ساغيش

بيتيرسه قلمه قؤز ، اينانمارام

*************************

« آي داغلي » مرد اؤلان ائليني آتماز

آلداتماز طاماحا ،‌سوده سو قاتماز

قولدور قاباقيندا ميمون اويناتماز

يانديرماز دئسه لر كؤز ، اينانمارام


                                سيد رضا بني فاطمه «داغلي»

نويسنده: ناصر قربانی اوری ? تاريخ: 90/10/19 ? موضوع: تورکی شعرلر ? لينک به اين مطلب ?

... سید رضا بنی فاطمه (داغلی)

آغیر اؤلوب یامان داشیم

دیلیمد ه ن آغری یر باشیم

چیخاردیر گؤزومو قاشیم

باخ ائی دونیامیزا باخ ائی

*********************

اؤزومونکو اؤلوب اؤزگه

اؤزلویونه اؤلوب په زگه

قارا تئلیم اؤلوب گیزگه

باخ ائی دونیامیزا باخ ائی

*********************

زامان اؤلوب لاپ اؤیونجوق

ارککله نیر منه قانجیق

"داغلی گویلوم" اؤلور خینجیق

باخ ائی دونیامیزا باخ ائی


نويسنده: ناصر قربانی اوری ? تاريخ: 90/09/17 ? موضوع: تورکی شعرلر ? لينک به اين مطلب ?

...اوره ییم هارای «سید رضا بنی فاطمه (داغلی)»

هارای باهاریدیر ، اوره ییم هارای

دیله گه ل گوللنسین دیله ییم هارای

چال توپا قیلینجی ، کس آلما کیمی

یوخسا کسیلرسن بیله ییم هارای

آشیق اوُل آشیق اوُل ، آشیق اوُل اشیق

ائله یاراشیق اوُل مله ییم هارای

کوله ک میدانی دیر ، چینار اول چینار

اَییلمه اَییلمه کوره ییم هارای

هارایلا قئیرتی ، قورقود اوُل قور اوُل

هارای باهاریدیر اوره ییم هارای

نويسنده: ناصر قربانی اوری ? تاريخ: 90/09/17 ? موضوع: تورکی شعرلر ? لينک به اين مطلب ?

....سيد رضا بني فاطمه «داغلي»
قوپوز دوشومده كئچيره م

ايستييه نين ساغليغينا

ماهني ماهني هوم ايچيره م

ايستييه نين ساغليغينا

**************************

باشيمدا وار ائل هاواسي

سارا دييه سئل هاواسي

بيرجه ساري تئل هاواسي

ايستييه نين ساغليغينا

**************************

اركيم اولسا ، اركه اولار

باشيمداكي بؤركه اولار

اؤز ائليمه ، توركه اولار

ايستييه نين ساغليغينا

نويسنده: ناصر قربانی اوری ? تاريخ: 90/09/13 ? موضوع: تورکی شعرلر ? لينک به اين مطلب ?

نه تئز دويدون(نگار خياوي)

گوزون آلدين گوزومدن ، مهربانليقدان نه تئز دويدون!

  مني قوودون او قلبيندن قوناقليقدان نه تئز دويدون

سيلينديم سينه دن ، تئلدن ، آديم دوشدو شيرين ديلدن

يولوب زولفوم يئله وردين ، قارانليقدان نه تئز دويدون


آجي حسرت مني الدن سالاجاغميش ، نييه گلديم

 ساچيمي غملي كولكلر يولاجاغميش ، نييه گلديم

او سنين دويغولو باغرينداكي آتش منه بنزر

 آلووم داغلارا وولكان اولاجاغميش ، نييه گلديم؟


يار گلمه دي قوينومداكي قولاردا يورولدو

گزديم اوقد ه ركؤلگه لي كوللاردا يورولدو

گوز يولدا ، آياق يولدا اوره ك ياردا امانت

  يولدان يولا دؤندوم داخي يولاردا يورولدو

****************************************************************************

 

 آجی حسرت منی الدن ، نییه گلدیم


                                                              ساچیمی غملی کولکلر یولاجاغمیش ، نییه گلدیم


او سنین دویغولو باغرینداکی آتش منه بنزر
 

                                                              آلووم داغلارا وولکان اولاجاغمیش ، نییه گلدیم ؟   

 

*****************************************************************************   

 

 یار گلمه دی قوینومدا کی قوللاردا یورولدو


                                                              گزدیم اوقده ر گولگه لی کوللاردا یورولدو


گوز یلدا ، آیاق یولدا ، اوره ک یاردا امانت


                                                              یولدان یولا دوندوم داخی یوللاردا یورولدو

              «« نگار خياوي »»

نويسنده: ناصر قربانی اوری ? تاريخ: 90/09/17 ? موضوع: تورکی شعرلر ? لينک به اين مطلب ?

گویه ریر (نادر الهی)
گولور آمما دوداغیندان گولوش آغلار گویه ریر
آغلاییر آمما بنوٍوشه دولو باغلار گویه ریر
سوسور آمما باخیشیندان بایاتی دامجیلاییر
سوسور آمما بوغازیندان بوغاناقلار گویه ریر

****************************

****************************

نويسنده: ناصر قربانی اوری ? تاريخ: 90/09/17 ? موضوع: تورکی شعرلر ? لينک به اين مطلب ?

کئفيم اولسون(عیسی زینی)
بير گون مني قانداللاياجاقلار، کئفيم اولسون!

دوستاقلارا پاي يوللاياجاقلار، کئفيم اولسون!

 

آرخامدا چوخور باختيما نيسگيل دولاجاقدير

کؤلگه‌مده اؤلوم ياللاياجاقلار، کئفيم اولسون!

 


ادامه مطلب
نويسنده: ناصر قربانی اوری ? تاريخ: 90/06/14 ? موضوع: تورکی شعرلر ? لينک به اين مطلب ?

آنا ديلي


سو دئيبدير منه اولده آنام آب كي يوخ                               يوخو اوئرتدي اوشاقليقدا منه ،خواب كي يوخ

ايلك دفعه كي چوره ك وردي منه،نان دئمه دي                    ازليندن منه دوزدانه ، نمكدان دئمه دي

آنام اختر دئمييبدير منه ، اولدوز دئيب او                             سو دوناندا دئمييب يخدي بالا ، بوز دئييب او

قار دئييب ، برف دئمييب ، ال دئييب او                               منه هئچ وقت بيا سويله مه ييب ، گل دئييب او

ياخشي خاطير لاييرام ياز گونو ، آخشام چاغيلار                   باغچانين گون چيخانيندا كي ايلك گون ياييلاندا

گه ل دئييردي داراييم باشيوي اي نازلي بالام                       گلمه سن گرباجيوين آستاجا زولفون دارارام

او دئمزدي كي ، بيا شانه زنم بر سر تو                              گر نيايي بزنم شانه سر خواهر تو

بلي ! داش ياغسادا گويدن ، سن اوسان منده بويام             وار سنين باشقا آنان ، واردي منيم باشقا آتام

اوزومه مخصوص اولان باشقا ائليم واردي منيم                      ائليمه مخصوص اولان باشقا ديليم واردي منيم

ايسته سن قارداش اولاق ، بير ياشياق ، بير ليك ائده ك         وئر گينن قول-قولا بوندان سورا ، بير يولدا گئده ك

اولاً اوز گه كولكلرله گرك اسميه سن                                 ثانياً وارليقما ، خلقيمه خورباخمياسان

يوخسا گر زور دييه سن ، ميلتيمي خوار ائده سن                 گون گلر صفحه چونر ، مجبور اولارسان گئده سن


«««««««محمد تقي زهتابي»»»»»»»
نويسنده: ناصر قربانی اوری ? تاريخ: 90/06/14 ? موضوع: تورکی شعرلر ? لينک به اين مطلب ?

قوپوز شاعیری « سیّد رضا بنی فاطمه (داغلی) »
داغام ئیل قوجاقیندا

کؤزه م مرد اوجاقیندا

یوخسول ائو بوجاقیندا

یایدا بوز شاعیری یم

*********************

شعیریم ائلین سوزودی

آخار سئلین سوزودی

کسگین دیلین سوزودی

من ، قوپوز شاعیری یم

*********************

وطن باغری مین بندی

دوغما یوردوم "اور" کندی

وار بوینومدا کمندی

چؤره ک - دوز شاعیری یم


                                                            سیّد رضا بنی فاطمه

نويسنده: ناصر قربانی اوری ? تاريخ: 90/06/14 ? موضوع: تورکی شعرلر ? لينک به اين مطلب ?

قوجالماییم نئیله ییم « سیّد رضا بنی فاطمه (داغلی) »
حیله دونیاسیندا ، یالان ایچینده

آخی دوستوم قوجالماییم نئیله ییم

آدام یوخ ! آغیلی ایلدن ایچینده

آخی دوستوم قوجالماییم نئیله ییم

*******************************

شیرین دانئششانین ، اوره گی آجی

باخیر بیربیرینه یولداش قیقاجی

قارداش داشا دؤنوب ، باج آلیر باجی

آخی دوستوم قوجالماییم نئیله ییم

********************************

باشیم آغری چکیر ، دیلیمین اوسته

آرزی مین اؤلوسو الیمین اوسته

ائل دردی ، دوز یوکی بئلیمین اوسته

آخی دوستوم قوجالماییم نئیله ییم

نويسنده: ناصر قربانی اوری ? تاريخ: 90/06/14 ? موضوع: تورکی شعرلر ? لينک به اين مطلب ?

بیر نفس ایلدیریم(مسعود اسلامی)

اوبا کؤچوب یورد اولاییر

قوزقون گودور قورد اولاییر

دردلی سوسوب درد اولاییر

هوروت هوروت باخیر داشلار

داشا دؤنوب سانکی باشلار

 

دیل دایانیب گؤز دانیشیر

خیالیمله سؤز دانیشیر

من بیرمسه یوز دانیشیر

هوروت هوروت باخیر داشلار

باش ایاقدی بوردا، باشلار

 

یاغمور یاغیب یئر قوخویور

هؤرومجکلر تور توخویور

من آغلیرام یئل، اوخویور

هوروت هوروت باخیر داشلار

کیم کیمه دیر، آ یولداشلار

 

توپراقلاری قاتمیش اینسان

 سئوگیلیسین آتمیش اینسان

سون دوراغا چاتمیش اینسان

هوروت هوروت باخیر داشلار

اوز ایچیندن آخیر داشلار

 

من گئدیرم یول دایانیر

دول بوشالی قاتارلانیر

بیلمزایدیم، داشدا قانیر

هوروت هوروت باخیر داشلار

داشدان آخیر، قانلی، یاشلار

نويسنده: ناصر قربانی اوری ? تاريخ: 90/02/17 ? موضوع: تورکی شعرلر ? لينک به اين مطلب ?

تانيميرسان مني سن ؟


تانيميرسان مني سن ؟

 

گئت مني ، داغداكي داشدان خبر آل

 

مني آيري، ساليب آنلين يازيسي،

 

                                       داغلاردان

 

من اوجا داغلارين اؤ

               

                         پارچالانان سيرداشييام

 

باخما ايندي جوان اوغلانلارا من ،

 

                                          باش داشييام

ساوالانين داشييام؛

 

يادا گل

 

كيمليگيمي

 

              گؤزده كي ياشدان خبر آل

 

من اؤ صحرالري آباد ائلييه ن گؤز ياشييام

 

من آراز قارداشييام

 

چيرپينير ائل غمي هي، سينه م ايچره دالغالانير

 

سينديرير سدلري بيرده ن

 

                               كاغاذ اوسته جالانير

 

بيت لر بير بيرين اوسته قالانير

 

من اؤ ديللرده قالان شهريارين، يولداشييام 

 

" تايسيزام"

 

من بير آز اوندان ناشييام .

                                               بهنام شاه نعمتي(تايسيز)

نويسنده: ناصر قربانی اوری ? تاريخ: 90/02/16 ? موضوع: تورکی شعرلر ? لينک به اين مطلب ?

مرحوم مجید صباغ ایرانی (یالقیز)





   من ده توستو له ییب آلیشدیم یاندیم          آلوووم سؤنسه ده، کؤزوم قالاجاق...

قارا یئل ده اسسه سؤندورسه منی             کولومو داغیتسا، توزوم قالاجاق

پرده-پرده کولوم بیر کتاب اولسا                   عالمه یاییلیب سؤزوم قالاجاق

یانمادیم اؤزومه یاندیم ائل اوچون                یانان اوره کلرده سوُزوم قالاجاق

دونیادا آختاردیم گؤزللر ایزین                       گؤزللر ایزینده گؤزوم قالاجاق

بیر یئنی یول سالدیم یالقیز آد قویدوم           گئتسم ده بو یول دا ایزیم قالاجاق...

از کتاب "جیغیر-باغیر" ص ۱۱۶



"ایکی جان آواره سی"


بیر قانلی اوره ک چیرپینیری قان آراسیندا

                                                       ویرنیخمادادیر قالمیش ایکی جان آراسیندا

هجرانه دؤزوب یا کی چالیشسین چاتا وصله

                                                        آواره قالیب وصل ایله هجران آراسیندا

چوخ جان آتیری جانینی جانانه یئتیرسین

                                                         سین_ سین گزیری عالم امکان آراسیندا

فکریم یول ایتیرمیش غریب آواره دی سانکی

                                                          حیران دولانیر برّ و بیان آراسیندا

گون باتمیش اذان دیر دئیه سن قاش قارالیبدیر

                                                         یول اَیریمی بیر قورخولو اورمان آراسیندا

ال اوزمه لی یَم یا یئنه ده دؤزمه لی یَم من

                                                          تدبیر قیلین بو ایکی بحران آراسیندا

بیر خیردا گیلایه یئکه لیر اولسون عداوت

                                                           بیر عؤمر یئر ائتسین ایکی جانان آراسیندا

جاندا دا مایا قویمالی اولساق یئری واردیر

                                                         تا صلح یارانسین بوتون انسان آراسیندا

یوخ غصه سی بیر گون ده کوسولسه دوشونن دوست

                                                         لازم دی اوموب_ کوسمه ده خوبان آرسیندا

بیر سام یئلی اسجک او کی بیزدن الین اوزدو

                                                         اوندان نه اوماق قورخولو طوفان آراسیندا

حق وئرمه لی ییک حق لی یه هر کیمسه اولا حق

                                                          زور قانونو جنگلده دی حیوان آراسیندا

نقد اولسادا آنجاق ائله دوزگون گرک اولسون

                                                          بیر کلمه ده هئچ اولمایا بهتان آراسیندا

بهلول کیمی من ده آغاجی اَت کیمی سوردوم

                                                         هارون لارا سؤز ساپلادیم عنوان آراسیندا

بیر گون گله جک یالقیز آدین قالمیش اؤزون یوخ

                                                         ائللر دئیه جک آدینی دستان آراسیندان

سندن قالاجاق قالسا بو اوچ یئرده نشانه

                                                         آرشیو ایله ویترین ایله دیوان آراسیندا

شاید ده سنین شکلینه هیکل یوناجاقلار

                                                           ائللر گؤره جک شهرده میدان آراسیندا

                                                                                                          یالقیز



آی بو جهانی خلق ائده ن،لطف ائله بیر جهانه باخ

جانه گلیبدی بنده لر،بیر زادی ائت بهانه ، باخ

من بیلیرهم یؤرولموسان،دونیا دایانسا دورموسان

لـیـک دوشـن اَیاقــیـدان،بـنـده ی نـاتـوانـه بـــاخ

گوندوز ایشیقدا جورلوسن،بؤینو یؤغونلارین ایشین

بـؤیـنـودا قـیل کـیـمـیـنـلـرین ایـشلـریـنه شـبانه باخ

وار نه قدر بـو حـالـیـمـیز،قـاره دی روزگـاریمـیـز

آنـد ایـچـیـریک یالان سنه،بـیزده اؤلان ایمانه باخ

هاممی دئیر کی من دوزه م،بیلمیره م ایری کیمدی بس؟

بیربئله ایری ایشـلـری،کـیــم گـؤرورو یالانه بــاخ

اؤرو پیشیک ده کوفته نی،یئییر،دئییر به بیلمیسن

تئز سیلیر آغزی بورنونو،یاغلی دؤداغ ،دهانه باخ

الـلـی،ایـاقـلیـلار قـاپـیـر،یاغـلی دیـلی اؤلان تاپـیـر

ال سـیز ـ ایاقـسیز اؤرتادا،غارت اؤلور ،تالانه باخ

صلح سئویرسن آی کیشی ،قؤیما نفاق تؤره لده لر

خلـق آراسـیـنـدا بـیـر بـئـله فـیرتانالار سالانه باخ

اوستونه صافلارین قؤیان،آلتینا زیر زیبیل باسان

چؤمچه سینی ووران زامان،گل بو سؤغان ساتانه باخ

سن کی گؤرورسن آنلیسان،یؤخ دئمه منده بیلمیره م

دوزگون حسابی ایسته سن،چؤرتگیه سال ،قاپانه باخ

بوردا تمام اؤلور سؤزوم،هاممیسی یؤخ بیر آزجاسی

حـؤصلـه ن اؤلـسـا وئـر قـولاق باقـیـه داسـتـانه بـاخ


نويسنده: ناصر قربانی اوری ? تاريخ: 90/01/07 ? موضوع: تورکی شعرلر ? لينک به اين مطلب ?

بوراندا ، ياغيشدا ، دوماندا ، چن ده : « دومان »
بئينيمده ساوالان گؤزومده آراز

يول آليب گئديرم دوماندا چن ده

درديمي سيزلايير بير صدفلي ساز

نسيگيله بويانير ماهني دا من ده

 

ساغيمدا يارادير سولومدا يارا

باغلانيب آياغيم كؤچه بيلميرم

سنه كؤرپوله نن قولومدا يارا

بو سئنيق كؤرپودن كئچه بيلميرم

 

اوزومو دؤنده ريب خزره ساري

سينيرام ايچيمده آيلي بير گئجه

گؤزومده سورگوندو دورنا قاطاري

ياييليم لي بير گئجه ، يايلي بير گئجه

 

حسرتله دايانيب بير آه چئكيرم

آرزيمي گؤزومده سئله دؤنده رير

ساحيلدن – ساحيله گوناه چئكيرم

آرازي يانديريب كوله دؤنده رير

 

بير قوشما يازيرام ياريسي سودا

ياريسي توپراقدا اود دوتوب يانير

بارماغيم آز قالير سني اونودا

بلكه ده وئرديگي ايلقارين دانير

 

بلكه ده يازيميز يازيلميش بئله

بلكه ده ساوالان سيغمايير منده

دؤزه رم بير آزدا ، دؤزه رم هله

بوراندا ، ياغيشدا ، دوماندا ، چن ده

نويسنده: ناصر قربانی اوری ? تاريخ: 89/12/22 ? موضوع: تورکی شعرلر ? لينک به اين مطلب ?

سنینله یم : « دومان »
سنينله يم، سولدوگونش باتدي آي    

قافييه لر فيكره دالير هارداسان؟

گؤزلريمين قاراسيندا لاي بالاي        

 آيريليغدي چؤكوب قالير هارداسان؟

                  ******

باغيريرام سسيم باتير ايچيمده       

 سنسيزليگيم سنه چاتير ايچيمده

بو شاختادا - شاختا ياتير ايچيمده    

گونش آخيب قاش قارالير هارداسان؟

               ******

 يازي يازان قارا يازيب يازيمي !!!           

 هئچ بيلميرم هارا يازيب يازيمي!!!؟

سينم اوسته آلديم سينيق سازيمي  

 بوساز سندن ايلهام آلير هارداسان؟

             ******

سن خزره چئوريليرسن بير آندا        

 من دومانا قارق اولورام دوماندا

بارماقلاريم شاه پرده يه جوماندا      

 تئل قيريليرماهني سولور هارداسان؟

نويسنده: ناصر قربانی اوری ? تاريخ: 89/12/22 ? موضوع: تورکی شعرلر ? لينک به اين مطلب ?

صلح اولماسا « واحد »

صلح اولماسا

گول منی سن ایسته سن عومروم هدر اولماز

صلح اولماسا، اولاد وطن بخته ور اولماز

آزاده لیقی، صولحی سئویلر بیزیم ائللر

بیر یئرده کی، صولح اولسا، او یئرده ضرر اولماز

اودلار وطنین نازلی گوزه للر بورویوبدور

ائللرده مثل وارکی، گوزل سیز شهر اولماز

آهیم اودو بلکه ائله سین قلبینه تاثیر

نیسان سویونو ایچمه یه داشدان گهر اولماز

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحد سنه، غم چکمه رقابت ائدن اولسا

مین گول قووشا بیر یئره، بحر خزر اولماز

نويسنده: ناصر قربانی اوری ? تاريخ: 89/11/13 ? موضوع: تورکی شعرلر ? لينک به اين مطلب ?

خلقه بولود کیمی... «نادر الهی»

خلقه  بولود  کیمی   ایللر  آغلادیم

هئچ  اوزومه  بیرگون آغلامادیم من

خلقه  قیزیل  سَرای  باشی  باغلادیم

اُوزومه  نون  باشی  باغلامادیم  من

***

ای گُوزل  !  باشیمدان  چیخمادی  هاوان

دردین...یوخ ، یوخ...منی اؤلدوردو داوان

ایللر  بویو  اولدو  یئدیگیم  یاوان

هئچ   قولدورون  بوغون  یاغلامادیم  من

 ***

دلی  شیطان  دییر دور قوی اوز داغا

سونا  کهلیک  کیمی   ینه سوز  داغا

دؤزدوم دوست  الیندن نئجه  یوز داغا

هئچ  الیمین  اوستون  داغلامادیم  من

 ***

نادرم  سینَه مدَه   سیزیلدار  یارام

عشقینده ، گوزلیم ، اؤلونجه  وارام

دییردیم   دردیندن  داها   دیغلارام

نه جانیم برک ایمیش...دیغلامادیم من

*********

 گؤردو بالتالارین...  

گؤردو  بالتالارین  هجوم  چکمه  سین

گیزله نه  بیلمه دی ...  قاچا  بیلمه دی

تورپاق  ائشیتمه دی  گیلئی لیک  سسین

اوره یین   هئچ کیمه   آچا    بیلمه دی

اوره یین  آچمادی  او  هئچ   بیرکَسَه

دوغراندی ...

               توکولدو...

                         عادی دن عادی ...

ایاغی   آلتداکی   تورپاقدان  ...  نَه سَه

دیری  ایکن   بیر  آددیم   دالی   قویمادی

باخیرسان اوره یی  جادار جاداردی

اگر  دیله   گلسه  قوزوتک   مَلَه ر

بیلمیرم ... نه سیردی...

                        هله کی  واردی

کَسیلَه  کَسیلَه  قالیب  مئشه لر

نويسنده: ناصر قربانی اوری ? تاريخ: 89/11/13 ? موضوع: تورکی شعرلر ? لينک به اين مطلب ?

اوزگه دیله یازمارام (وحید شکرزاده )

ئوزگه دیله یازمارام

 

نازلی شیرین دیل واریم ، ئوزگه دیله یازمارام

 

                                                                                  دوغراسالاردا منی اُوز دیلیمی آتمارام
 
جنتی وئرسز منه ، دونیانی ساتساز منه

 

                                                                                 من آنامین ناز دیلین باشقا دیله ساتمارام
 
ادامه مطلب
نويسنده: ناصر قربانی اوری ? تاريخ: 89/11/05 ? موضوع: تورکی شعرلر ? لينک به اين مطلب ?

تركي


توركي بير چشمه ايسه ،من اوني دريا ائله ديم ***********بير سويرق معركه ني محشر كبرا ائله ديم

بير ايشيلتيدي سها اولدوزي تك گورسنمز ***********گوز ياشيملا من اوني عقد ثريا ائله ديم

نويسنده: ناصر قربانی اوری ? تاريخ: 89/10/17 ? موضوع: تورکی شعرلر ? لينک به اين مطلب ?

Oxulsuz dil

سایانمیرام بیر – ایکی

منی قیناییر ننه م

اوخولوموز یوخدور کی

اوز دیلیمی اویره نم

 

بولبول کیمی سویله رم

سوروشسالار (یک و دو )

فارسجا یاخشی بیله رم

اویرندیگیم بودور- بو

 

تورکجه دانیشسام، سوزوم

اسگیک گلر، قورتولار

اولر اوزومده اوزوم

دیلیم سوسار، توتولار

 

آنا دیلین آنلامین

اونوتموشام دوغروسو

اونوتقان بیر آدامین

گئدر بیر گون آبروسو

 

من بیر یانا، آنام دا

هله سنی اونودوب

ایندی آنجاق آتام دا

اینمز- دینمز اوتوروب

 

نئجه دئییم سنه من

آنا دیلی، آی دیلیم

سنی سوراندا هردن

آنام دئییر: نه بیلیم!

 

سن قورقودون دیلی ایدین

یادلار سنی أیدیلر

بویوک یوردون دیلی ایدین

خاطیرینه ده یدیلر

 

آنام سنله یاییقسا

یئنه آنا دیلیمسن

دویغولاریم آییقسا

ابدی نیسگیلیمسن!

نويسنده: ناصر قربانی اوری ? تاريخ: 89/10/16 ? موضوع: تورکی شعرلر ? لينک به اين مطلب ?

آنا یوردومدن قیزی

سارا بیر آیدی بیزیم ائللره، آیسیز گئجه لر

بیر اوجا سسدی قولاق وئر اونا هایسیز گئجه لر


ادامه مطلب
نويسنده: ناصر قربانی اوری ? تاريخ: 89/10/12 ? موضوع: تورکی شعرلر ? لينک به اين مطلب ?

غزل قوشو (لیلی کحالی)

 

1.

من او قوشو اؤلدورموشم،

                من او قوشو

دیمدیگینده غزل قوشو

                من او قوشو

باخیشیندا سئوگی قوشو

                من او قوشو...

من او قوشو اؤلدورموشم

سینه­ مده یوواسی واردی

سئوگی یئرینه قان ایچدی

قانادلاری قانا دوشدو

دوشدو قالدی سینه ­م اوسته

ایچیمده­ کی آرزی قوشو

                من اؤلدورموشم

                من او قوشو...

**********************************

 2.

یاغیش یاغیر

                ساعاتلاردیر

دامجی-دامجی باخیشلارین

                پنجره­ لرده داغیلیر

هرنه خاطیره­ میز واردی

                سئل کوچه­ لردن آپاریر

ائشیکده­ کی چیلغین هاوا

ایچیمده کی دومان آغیر

من آغلیرام

        یاغیش آغلیر

یاغیش یاغیر

                ساعاتلاردیر.

*****************************

 3 -

آغاج لار

یول لار

داغ لار!

آغاج لارین بارماق اوجوندا

بیر اشارت وار،

سن گئتدیگین یوللارا دوغرو.

یوللاری بیر باشدان

آمما یوخ هر باشدان

توتوب گئدیرم

سنی داغلاردا

داغلاردا سنی

چاغیریب قایتاریرام

آغاجلارین بارماق اوجوندا

بیر اشارت یارادیرام سنی

یئنه باشدان-

باشدان...

********************************** 

4 -

هئی تاکسی!

لوطفن منی یئتیرین!

یوخاریداکی جادانین

آلتیندان کئچن یولا!

او ساغداکی سولا دؤنون

او خیابانین آدی؟...

گؤزلریم گؤرمور آدینی

یاغیش یاغیر من آغلامیرام.

- بو کوچه اؤزودور

گؤزلرینده کی نم

دوداقلارینداکی قیفیل،

ائوده دیر یالقیزلیغیم!

سورون! او پنجره یه کی

آی دوغار سینه سینده

بیر آز ایشیق ایستیرم

قورخورام قارانلیقدان.

باغیشلایین

منی داغ باشینداکی دومانا یئتیرین

سیرریمی آچماق ایستیرم بولودلارا

قوی! اسفند آیلاریندا

گؤزلریم یاغسین

باهارلارا...

یوخ!

دایانمایین

گئدین

اوزاخ هر یئرده یئندیرین منی!

بوتون یوللاری ترسه سینه گئتمه ییم گلیر

چوخ غریبسه میشم

بو گون شَهَرده

ایتمه ییم گلیر!

نويسنده: ناصر قربانی اوری ? تاريخ: 89/10/11 ? موضوع: تورکی شعرلر ? لينک به اين مطلب ?

داها (سهراب طاهير)

دردي درد اولموشدو ائلينده منه،

آغلاديم، بير نسيل گولنده منه،

هر كس آغلاماسين اؤلنده منه،

من هئچ واخت، هئچ زامان اؤلمرم داها


ادامه مطلب
نويسنده: ناصر قربانی اوری ? تاريخ: 89/10/11 ? موضوع: تورکی شعرلر ? لينک به اين مطلب ?

یاسلی ساوالان


هر زامانکی باخیرام باشینا قار وار گورورم                   

اوغول اولموش آتا تک گوزلرین آغلار گورورم

هر طرفدن چکیلیب سینه وه داغلار گورورم                 

آی آلان اوستونو غم چیسگینی ، هر یانی دومان

آی یاغان باشینا غملر اودو ، یاسلی ساوالان


ادامه مطلب
نويسنده: ناصر قربانی اوری ? تاريخ: 89/10/11 ? موضوع: تورکی شعرلر ? لينک به اين مطلب ?

یاز دردیمی ساغا لتمادی
یاز    دردیمی    ساغالتمادی

یاراما    بیر قیش   باغلایین

گؤیلومه    بولود    دؤشه یین

گؤزومه   یاغیش   باغلا یین

           ***

تای  توشو  قول  قاناد  چالدی

زیروه لرین   اوستون   آلدی.

چیرپینا      چیرپینا     قالدی

اوره ییمه    قوش    باغلایین

          ***

بوگونلرده    کئچدی      بلکه

دورنا   اولوب  کوچدو   بلکه

بو    قفس ده    اوچدو   بلکه

ایاغینی     بوش     باغلایین

                                              نادر الهی

نويسنده: ناصر قربانی اوری ? تاريخ: 89/10/11 ? موضوع: تورکی شعرلر ? لينک به اين مطلب ?

سن سوسوزسان(نادر الهی)
سن  سوسوزسان ، عطش منی اوُلدورور

 بیر ایچیم  سواولدم ... ایچ  منی  قورتار

 ساری  سونبول  کیمی  حسرتده   یاندیم

 دولو دن ایستدوین ...  بیچ  منی  قورتار


ادامه مطلب
نويسنده: ناصر قربانی اوری ? تاريخ: 89/10/05 ? موضوع: تورکی شعرلر ? لينک به اين مطلب ?

گونش *شمس اله سیفی (سینا)*
سوسدو بایقوش یئر آغاردی یئنه قاوزاندی گونش
دورنــالار شـنلیگینه قالــخدی آلـــاولاندی گـــونــش

                                   قورخولوقلار یئنه باغلانمادا بایقوش سسینه
                                   آی گئده رکن یئرینه دیرچه لیب آیلاندی گونش


ادامه مطلب
نويسنده: ناصر قربانی اوری ? تاريخ: 89/10/05 ? موضوع: تورکی شعرلر ? لينک به اين مطلب ?

درباره وبلاگ

بو وبلاگ مطلق سياسي فعاليتي يوخدي و هدفي آذربايجان ادبياتين و توركي شعرلري تانيتديرماقدير
لطفا بيزي بو يولدا يارديم ائدين.



ييخانماز يامان مني

سئل مني ، توفان مني

ائل مني اونوتماسا

اونوتماز زامان مني



لوگوي دوستان
www.youldashlar.blogto.com
لينکهاي روزانه

جستجوي مطالب

طراح قالب

© All Rights Reserved to youldashlar.Blogfa.com / Theme by: PaYaM JJ

تقویم شمسی